Мінск не мемарыял памерлым мэрам!
получен
Адресат:
- Минский городской исполнительный комитет
Текущий статус обращения:
- Ответ получен 10 июня 2018. Читать ответ
Камісія па найменаваннi i перайменаваннi праспектаў, вуліц, плошчаў і іншых складовых частак Мінска нядаўна прапанавала Мінскаму гарадскому Савету дэпутатаў прысвоіць назвы 4 вуліцам і 2 паркам. У сталіцы шмат безназоўных зялёных зон, якія мусяць артымаць у рэшце назвы, звязаныя з нечым узнёслым - імёнамі выдатных пісьменнікаў, мастакоў, музыкантаў і іншых дзеячаў культуры, дзеячаў нацыянальнага руху, пераможцаў і перамог, славутых падзей, а таксама па гістарычных назвах мясцовасцей. Але што прапаноўваюць (дакладней, ставяць перад фактам) жыхарам Мінска? Назваць парк у гонар Аляксандра Герасіменкі, які сканаў летась. А хто такі гэты Герасіменка? Ды чыноўнік, колішні "мэр" Мінска. Відаць, скончыліся на Беларусі таленты, усіх ужо ушанавалі... Характэрна, што аднаго "мэра", Паўлава, ужо скандальна ўшанавалі ў назве парку: у час грамадскага абмеркавання мясцовыя жыхары прапанавалі некалькі варыянтаў, якія мелі гістарычную прывязку, але дэпутатам падалося мілейшым імя чыноўніка, чый уклад і значэнне не могуць быць аб'ектыўна ацэнены сучаснікамі. На што разлік? Спадзяюцца, што пераемнікі гэтак жа ўшануюць і іхныя імёны?
У ранейшыя часы таксама як маглі здзекавалісь з рэкрэацыйных зон: паркі 30-годдзя БССР, 40-, 50-, 60-годдзяў Кастрычніка (дзякуй Богу, што СССР разваліўся, бо так бы і працягвалі), 900-годдзя Мінска (але і незалежная Беларусь робіць тыя ж памылкі), Уга Чавеса (у гонар вялікага сябра Беларусі, папуліста-сацыяліста, якія ўвойдзе ў гісторыю, як чалавек, які прывёў сваю краіну да краю бездані), бясконцыя "зялёныя мемарыялы", якія надаюць паркам такі ідэалагічны фон, што актыўны адпачынак і весялосць у іх успрымаецца як блюзнерства.
Калі ўжо хочаце ўшанаваць мінскага чыноўніка, дык надайце парку імя Караля Чапскага, які прайшоў выпрабаванне часам - яго імя і ўнёсак добра вядомыя адукаваным гараджанам, а вобраз рамантызаваны і запатрабаваны шырокімі масамі.
Пытанні ёсць і да НКУСаўца Яўгена Міркоўскага, чыім імем прапануюць назваць вуліцу. Пакуль архівы КДБ закрыты, нельга выключаць таго, што прасоўваецца імя не героя, а ката беларускага народа.
Беручы пад увагу ўсё вышэй напісанае, патрабуем спыніць заганную практыку ўшанавання чыноўнікаў-сучаснікаў, не ператвараць горад у мемарыял памерлым "мэрам", далікатна, з розумам ставіцца да справы найменавання паркаў, сквераў і іншых азелянённых тэрыторый горада, не ўносячы яшчэ больш дысанансу ў гарадскую прастору.
Читать далее:
-
Река на территории мемориального комплекса Тростенец.
-
надаць Установе адукацыі “Баранавіцкі дзяржаўны ўніверсітэт” імя Барыса Кіта!
-
Здоровье, культура, будущее вместо неэффективных расходов
-
Требования оформления стали несовместимыми с современным программным обеспечением.
-
За строительство кинотеатра в Каменной горке.Рассмотреть возможность строительства там же первого IMAХ кинотеатра в стране
-
О нецелесообразности ответственности школы за ребенка на каникулах и в любое другое время