У цэнтры Слуцку (вул.Багдановiча) зносяць дзвюхпавярховы каменны будынак. Гісторыкі датуюць яго ХІХ ст.. Існуюць дакументы, што будынак 1946-а года, але гэта год яго рэканструкцыі пасля некаторых пашкоджанняў, якія былі нанесеныя падчас Другой сусветнай вайны.
У Слуцку, якому больш за 900 год, афіцыйна ўсяго 4 помнікі архітэктуры. Старажытных будынкаў, якія не маюць ніякага афіцыйнага статуса больш, але і іх можна пералічыць па пальцах. Таму кожны будынак даўніны заслугоўвае асобнай увагі і захавання.

Yа падставе арт. 41 Закона "Аб мясцовым кіраванні і самакіраванні», якая ўсталёўвае, што выканкамы забяспечваюць распрацоўку горадабудаўнічых праектаў, вырашаюць пытанні размяшчэння аб'ектаў будаўніцтва на адпаведнай тэрыторыі, просім:
1. Неадкладна спыніць знос будынка ў Слуцку;
2. Арганізаваць камісію для ацэнкі стану будынка і паведаміць час і месца сустрэчы камісіі, каб да яе маглі далучыцца гісторыкі, зацікаўленыя жыхары гораду і журналісты;
3. Прысвоіць дадзенаму будынку статус гісторыка-культурнай каштоўнасці.