Просьба ліквідаваць бардзюр ва ўсю шырыню тратуара каля дома № 5 па вуліцы Кульман, або, калі яго наяўнасць нечым абгрунтаваная, — арганізаваць магчымасць безбарʼернага руху па тратуары.

На дадзены зварот праз сайт 115.бел быў атрыманы наступны адказ:
УП "Ремавтодор Советского района"
На момент выполнения установки бортового камня работы выполнялись в соответствии с действующими требованиями ТНПА. Прорабатывается вопрос об устройстве пандуса на данном участке. До 30.09.2016

Адказ не можа быць успрыняты як здвальняльны па наступных прычынах:

1. Ніякія ТНПА (спасылкі на якія Рэмаўтадар не прыводзіць, што выклікае сумненне ў наяўнасці такіх ТНПА) не могуць быць абгрунтаваннем наяўнасці барʼернага асяроддзя ў такім масава наведваным месцы сталіцы, як Камароўскі рынак і прылеглыя да яго гандлёвыя абʼекты.

2. Ніякія ТНПА (спасылкі на якія Рэмаўтадар не прыводзіць, што выклікае сумненне ў наяўнасці такіх ТНПА) не могуць быць апраўданнем наяўнасці барʼернага асяроддзя.

3. Бардзюр на дадзеным участку не выконвае ніякай ролі, акрамя барʼеру для карыстання гарадской інфраструктурай, таму павінен быць ліквідаваны.

Адначасова звяртаем увагу Рамаўтадара Савецкага раёна на неабʼходнасць прывядзення да стандартаў безбарʼернага асяроддзя неадпаведных нормам бардзюраў на:

3.1 уездзе/выездзе з паркінга з боку вуліцы Кульман (адрас паркінга: вул. Куйбышава, 40),

3.2. праездзе да гандлёвых абʼектаў на вуліцы Кульман, 5д,

3.3. праездзе да вуліцы Кульман, 3 (ГЦ Coolman)

3.4 праездзе да будынкаў па адрасе вуліца Кульман, 1/ вуліца Кульман 1, к. 3.