Беларускую мову - у цягнікі гарадскіх ліній, рэгіянальных і міжрэгіянальных ліній бізнэскласа!

Згодна з дзеючымі нарматыўнымі дакументамі БЧ, інфармацыя ў цягніках рэгіянальных ліній эканомкласа павінна гучаць на беларускай мове. Назвы прыпыначных пунктаў, інфармацыя аб правілах здзяйснення паездкі ды інш., сапраўды, агучваюцца з дапамогай інфарматара на беларускай мове.

Аднак, нягледзячы на тое, што з моманту пачатку эксплуатацыі цягнікоў Stadler на гарадскіх лініях, рэгіянальных, мiжрэгіянальных лініях бізнекласа прайшло амаль 10 год, не былі ажыццяўлены захады з боку адміністрацыі БЧ па распрацоўцы аўтаматычнай сістэмы інфармавання пасажыраў на беларускай мове.

Патрабуем ад кіраўніцтва БЧ:

- распрацаваць сістэму інфармавання пасажыраў на беларускай мове ў цягніках азначаных катэгорый;

- надаць моц адпаведным нарматыўным дакументам, якія б замацавалі выкарыстанне беларускай мовы ў агучцы і візуалізацыі інфармацыі ў цягніках азначаных катэгорый.