Пагроза падзення гранітнага парапета ў Віцебску
![](https://petitions.pro/upload/images/5798/5a74eb55dfba9408356f67c6dead6f4b.jpg)
получен
Адресат:
- Витебский горисполком
Текущий статус обращения:
- 2 ответа. Последний получен 4 июля. Читать ответ
Гранітны парапет лесвіцы насупраць будынка Віцебскага гарвыканкама (па вуліцы Леніна, 32 у горадзе Віцебску) пачаў спаўзаць у Віцьбу. Паміж тратуарам і парапетам утварылася вялікая шчыліна. Прыступкі лесвіцы ўжо разышліся між сабой. На тратуары частка пліткі стала "дыбам". Гэта стварае ўжо зараз праблему для хады пешаходаў і буйныя рызыкі ў будучыні — напрыклад, пагрозы падзення парапету.
Фотаздымкі стану лесвіцы, тратуара і парапету прыкладваем да гэтага звароту.
Згодна з арт. 43 і арт. 41 Закона Рэспублікі Беларусь ад 04.01.2010 № 108-З «Аб мясцовым кіраванні і самакіраванні ў Рэспубліцы Беларусь», выканкамы ў межах сваёй кампетэнцыі ў парадку, устаноўленым заканадаўствам, забяспечваюць бяспеку дарожнага руху, а таксама фарміруюць і уносяць для зацвярджэння ў мясцовыя Саветы дэпутатаў рэгіянальныя комплексы мерапрыемстваў, якія забяспечваюць рэалізацыю дзяржаўных праграм, якія прадугледжваюць фінансаванне за кошт сродкаў мясцовых бюджэтаў па пытаннях добраўпарадкавання адпаведнай тэрыторыі і дарожнага будаўніцтва.
П. 7. 3 Санітарных норм, правіл і гігіенічных нарматываў «Гігіенічныя патрабаванні да ўтрыманню тэрыторый населеных пунктаў і арганізацый», зацв. пастановай Міністэрства аховы здароўя Рэспублікі Беларусь ад 01.11.2011 №110, замацаваў, што на тэрыторыі населенага пункта пешаходныя зоны павінны мець цвёрдае пакрыццё, і своечасова рамантавацца і абслугоўвацца.
Таксама адзначым, што п. 9 Правілаў добраўпарадкавання і ўтрымання населеных пунктаў, зацв. пастановай Савета Міністраў Рэспублікі Беларусь ад 28.11.2012 №1087, пастанавіў, што спецыялізаваныя арганізацыі па абслугоўванню вулічна-дарожнай сеткі ў межах зон абслугоўвання ажыццяўляюць у адпаведнасці з патрабаваннямі ТНПА мерапрыемствы па рамонце тратуараў і пешаходных шляхоў (тратуары, алеі, бульвары, пешаходныя вуліцы і плошчы, надземныя, наземныя і падземныя пешаходныя пераходы, лесвіцы, пешаходныя і веласіпедныя дарожкі).
На падставе вышэйсказанага, просім:
• правесці праверку фактаў нездавальняючага стану лесвіцы, тратуара і парапету, пазначаных ў звароце;
• вылучыць грашовыя сродкі на абслугоўванне і рамонт пазначаных ў звароце аб'ектаў пешаходнага руху;
• правесці ў максімальна сціслыя тэрміны іх абслугоўванне, а таксама рамонт у адпаведнасці з патрабаваннямі нарматыўных прававых актаў;
• не дапускаць халатнасці пры абслугоўванні пешаходных шляхоў.
Пры разглядзе гэтага звароту просім:
• даць абгрунтаваны і матываваны адказ па сутнасці з канкрэтнымі фармулёўкамі і спасылкамі на нарматыўныя прававыя акты (п. 1 арт.18 Закона ад 18.07.2011 № 300-З «Аб зваротах грамадзян і юрыдычных асоб»);
• забяспечыць уважлівыя і адказныя адносіны да разгляду гэтага звароту; не дапускаць халатнасці, фармалізму і бюракратызму пры яго разглядзе (пп. 1.1 п.1 Дырэктывы ад 27.12.2006 № 2 «Аб дэбюракратызацыі дзяржаўнага апарату і павышэнні якасці забеспячэння жыццядзейнасці насельніцтва»).
Читать далее:
-
Разрешите использование электронных вычислительных устройств (калькуляторов) по предмету биология на ЦТ/ЦЭ/РТ
-
Соответствие занимаемой должности Главного санитарного врача Александра Тарасенко
-
Кто решил демонтировать немецкое кладбище в Могилёве?
-
Устный ответ неизвестному лицу
-
Выполнить капитальный ремонт Юбилейного моста в Витебске
-
Дорога через мостик ведет на ул. Приозерная — огромные ямы залиты водой