У дрэнным стане дарога на вул. Стадыённай у Віцебску

Пакрыццё дарогі на вуліцы Стадыённай ў г. Віцебску ўздоўж дамоў з нумарам 34 карпуса 1-4 па вул. Чапаева знаходзіцца ў дрэнным стане.

Бачныя вялізныя выбоіны і ямы. У падоўжным вымярэнні іх памеры перавышаюць метр у некаторых выпадках. А глыбіня перавышае 10 см.

Фотаздымак стану дарогі прыкладваем да гэтага звароту. На гэтую дарогу выходзяць дваравыя дарогі пазначаных дамоў. Неаднаразова месцічамі назіраліся выпадкі, калі кіроўцы аўтамабіляў пры аб'ездзе гэтых выбоінаў заязжалі на пешаходныя дарожкі і абочыны, чым стваралі вялікую небяспеку для пешаходаў.

З улікам высокай грамадскай небяспекі просім у тэрміновым парадку выправіць недахопы вулічна-дарожнай сеткі ў пазначаным месцы і не адкладваць гэта на месяцы.