За перанос выходнага дня на Дзяды (02.11) замест Дня Кастрычніцкай рэвалюцыі (07.11)
получен
Адресат:
- Администрация Президента
Текущий статус обращения:
- Ответ получен 2 ноября 2018. Читать ответ
Мы, грамадзяне Рэспублікі Беларусь, улічваючы, што пунктам 5 Указа Прэзідэнта Рэспублікі Беларусь ад 26.03.1998 № 157 "Аб дзяржаўных святах, святочных днях і памятных датах у Рэспубліцы Беларусь" устаноўлена, што рашэнне аб усталяванні дзяржаўных святаў, святочных дзён і памятных дат, надзяленні адпаведнай падзеі статусам дзяржаўнага свята прымаецца Прэзiдэнтам Рэспублiкi Беларусь, просім унесці змены ў пазначаны Ўказ і зрабіць непрацоўным днём рэлігійны святочны дзень 2 лістапада (Дзень памяці) замест 7 лістапада (Дня Кастрычніцкай рэвалюцыі).
Згодна арт. 4 Канстытуцыі Рэспублікі Беларусь “Ідэалогія палітычных партый, рэлігійных або іншых грамадскіх аб’яднанняў, сацыяльных груп не можа ўстанаўлівацца ў якасці абавязковай для грамадзян”. Аднак жа, на сённяшні дзень ў Беларусі 7 лістапада на дзяржаўным узроўні адзначаецца як Дзень Кастрычніцкай рэвалюцыі, калі ўшаноўваецца У.І.Ленін, лідар Расійскай сацыял-дэмакратычнай рабочай партыі, у будучым Камуністычнай Партыі Савецкага Саюза, кіраўніцтва якой у будучыні ўсталявала адпартыйную сістэму ў Беларускай Савецкай Сацыялістычнай Рэспубліцы, а сама стала інструментам сталінскага тэрору адносна дзесяткаў тысяч непавінных людзей: палітычных апанентаў, пэўных сацыяльных груп. Таму адзначэнне падзеі Кастрычніцкай рэвалюцыі на дзяржаўным узроўні супярэчыць артыкулу 2 Канстытуцыі Рэспублікі Беларусь: “Чалавек, яго правы, свабоды і гарантыі іх рэалізацыі з’яўляюцца найвышэйшай каштоўнасцю і мэтай грамадства і дзяржавы”. Да таго ж, святкаванне Дня Кастрычніцкай рэвалюцыі кульцівіруе антыканстытуцыйныя метады і формы змены ўлады, што супярэчыць захаванню спакою і міру ў нашай краіне.
У народным каляндары на тэрыторыі Беларусі традыцыйна шануецца памяць аб продках, што падцвярджаецца наяўнасцю памінальных святаў Дзяды, якіх ў залежнасці ад рэгіёна краіны існуюць ад 8 да 11 на год. Асабліваю ўвагу маюць веснавыя (Радуніца), якія маюць афіцыйны статус дзяржаўнага выходнага дня, і восеньскія (Восеньскія Дзяды), адзначэнне якіх узмацняе сямейныя каштоўнасці, бо аб’ядноўвае праз агульную памяць і навядзенне парадку на могілках сваіх продкаў, прымушае чарговы раз задумацца і ўспомніць аб вялікім кошце міра і спакою ў нашай краіне.
2018 год быў абвешчаны годам малой радзімы, адной з мэтаў якога з’яўляецца зварот увагі насельніцтва Беларусі ў навядзенне парадку на зямлі продкаў, вёсках і малых гарадах.
Перанос выходнага дня з 7 лістапада на 2 лістапада дазволіць:
1. выканаць у поўнай меры артыкулы 2, 4 Канстытуцыі Рэспублікі Беларусь;
2. умацаваць сямейныя каштоўсці праз наведванне членамі сям’і могілак продкаў;
3. у рамках абвешчанага кіраўніком дзяржавы 2018 года годам малой радзімы павялічыць магчымасці жыхароў Беларусі ў навядзенні парадку ў малых населеных пунктах, а таксама чарговы раз успомніць аб вялікім кошце міра і спакою ў нашай краіне.
Читать далее:
-
За бесплатный проезд малолетним детям по железной дороге без предъявления свидетельства о рождении!
-
Высадить деревья по ул.Кирова от "Башен Минска" до Свердлова!
-
Повторное обращение по вопросу организации пешеходных связей от ст.м.Молодежная
-
Дополнительное информирование о возможности поворота налево с трамвайных путей
-
О движении маршруток через Раков
-
Не выполнение Указа Президента Республики Беларусь