Зрабіць месца для паркоўкі каля Вярховічскай сярэдняй школы

На сённяшні дзень каля Вярховічскай сярэдняй школы адсутнічае адмыслова абсталяванае месца для паркоўкі механічных транспартных сродкаў (легкавых аўтамабіляў і аўтобусаў). Таму настаўнікі гэтай школы і тэхнічны персанал вымушаны пакідаць свае транспартныя сродкі там, дзе гэта забаронена дзеючымі правіламі дарожнага руху (зялёная зона, местах пад'еду і выезду з прылягаючай тэрыторыі, на тратуарах).

Усё гэта падштурхоўвае вучняў парушаць правілы дарожнага руху ў той момант, калі ім неабходна трапіць у сталоўку ці другі корпус школы.

Замест тратуара, на якім знаходзяцца аўтамабілі, яны вымушаны ісці па праезжай часцы дарогі, што вельмі небяспечна для іх здароўя і жыцця.

Таму просім Вас:

1. Тэрмінова зрабіць паркоўку каля Вярховічскай сярэдняй школы;

2. Пры будаўніцтве паркоўкі ўлічыць, каб акрамя легкавых аўтамабіляў было месца стаянкі для двух аўтобусаў і мінімум адно парковачнае месца для людзей з абмежаванымі фізічнымі магчымасцямі.