Аб дэлімітацыі і дэмаркацыі беларуска-расійскай мяжы

16 сакавіка 2020 г. па тэлеканале "Расія" было паведамлена, што Расійская Федэрацыя ў аднабаковым парадку зачыняе мяжу з Рэспублікай Беларусь у сувязі з рызыкай распаўсюду каронавіруса.

На дадзены момант статус беларуска-расійскай мяжы рэгулюецца Пастановай Вярхоўнага Савета Рэспублікі Беларусь ад 11.06.1993 г. №2379 і мяжа носіць паміж двума краінамі збольшага фармальны характар.

Акрамя таго на беларуска-расійскай мяжы адсутнічае належная пагранічная інфраструктура (сістэма аховы і выяўлення, месцы дыслакацыі памежных падраздзяленняў, дарогі, заставы, пункты пропуску і г.д.).

Не зразумела якім чынам і ў якіх месцах будзе перакрывацца беларуска-расійская мяжа.

Каб пазбегнуць непаразуменняў зараз і надалей просім распачаць працэс дэлімітацыі і дэмаркацыі беларуска-расійскай мяжы, а таксама распачаць працэс стварэння неабходнай памежнай інфаструктуры для аператыўнага вырашэння задач звязаных з патэнцыйнымі знешнімі пагрозамі (ваеннае ўмяшальніцтва, наркатрафік, нелегальная міграцыя, прафілактыка распаўсюду вірусаў і г.д.).