PETITION.BY - Удобный Город
Петиция №3912
25 апреля 2020

За адстаўку Міністра адукацыі Ігара Карпенка

Міністр адукацыі Ігар Карпенка не справіўся з выклікамі, якія ўзніклі праз пандэмію каранавіруса.
ответ
получен

Адресат:

Текущий статус обращения:

Лічым, што Міністр адукацыі Ігар Карпенка не справіўся з выклікамі, якія ўзніклі праз пандэмію каранавіруса.

Па-першае, не здолеў арганізаваць дыстанцыйнае навучанне школьнікаў і студэнтаў.

Па-другое, не здолеў забяспечыць бяспеку школьнікаў, студэнтаў, настаўнікаў і выкладчыкаў (шмат якім больш за 60 год) праз адмену альбо перанос заняткаў.

Па-трэцяе, праз неразумную, на наш позірк, палітыку Міністэрства адукацыі нагрузка на настаўнікаў узрасла ў два разы, бо прыходзіцца раніцай вучыць тых школьнікаў, што прыйшлі на заняткі, а вечарам правяраць класныя і хатнія працы тых школьнікаў, якія робяць заданні дома. Пры гэтым заробкі настаўнікаў засталіся на тым жа ўзроўні.

Па-чацвёртае, Міністэрства адукацыі не мае дакладнай пазіцыі адносна арганізацыі адукацыйнага працэсу і яго дзеянні нагадваюць хістанні.

Па-пятае, інструкцыя праводзіць атэстацыю школьнікаў за тры чвэрці са складаннем сярэдніх балаў за тры чвэрці і дзяленнем гэтых балаў на чатыры (для тых, хто не ходзіць у школу ў чацвёртай чвэрці праз самаізаляцыю), мяркуем, з'яўляецца дыскрымінацыйнай у дачыненні да школьнікаў і з'яўляецца ідэалагічнай, каб падштурхнуць бацькоў адпраўляць вучняў на заняткі, чым ацэньваць іх веды па адзнакам.

Па-шостае, Міністэрста адукацыі, па нашых дадзеных, не праверыла тэхнічныя магчымасці школьнікаў і студэнтаў для ўвядзення дыстанцыйнай адукацыі і не арганізавала выдачу патрэбнага абсталявання тым, хто мае ў гэтым патрэбу (планшэтаў).

Па-сёмае, Міністэрства адукацыі, па нашай інфармацыі, не прадпрымала спробаў арганізаваць бясплатны Інтэрнэт для настаўнікаў, выкладчыкаў і школьнікаў пры дыстанцыйнай адукацыі.

У сувязі з вышэй пералічанымі абставінамі лічым, што Міністр адукацыі Ігар Карпенка павінен сысці ў адстаўку, а ў краіне павінна быць арганізавана дыстанцыйнае навучанне з улікам усіх пералічаных у звароце пунктаў.

Читать далее: