Просім ААТ "Лідскае піва" размяшчаць інфармацыю па-беларуску на ўсіх сваіх прадуктах

ААТ "Лідскае піва" правяло ў 2016 годзе рэбрэндынг, перавёўшы свой галоўны брэнд "Лидское" на беларускую мову. З мінулага года ўся лінейка піва пад брэндам "Лідскае" афармляецца па-беларуску,інфармацыя аб прадуктах даводзіцца і па-руску і па-беларуску, камунікацыя з пакупніком таксама вядзецца па-беларуску. Гэта навіна была вельмі станоўча ўспрынята беларускім грамадствам. Аднак "беларусізацыя" вашай кампаніі завяршылася толькі на брэндах "Лідскае" і "Менскае", на ўсіх астатніх відах прадукцыі месца для беларускай мовы не знайшлося, што вельмі прыкра. Таму просім разглядзець магчымасць дадання інфармацыі па-беларуску на этыкеткі ўсіх астатніх прадуктаў кампаніі.