Прочее

За сапраўдную міліцыю - для ўсіх!

workimg

Теги:   дискриминация  гомофобия  ганьба  гребаныйстыд 

Количество подписей под петицией:

1830

На афіцыйным сайце Міністэрства ўнутраных спраў з'явіўся артыкул гамафобнага зместу ад 20 мая 2018 “Мы за подлинное!” (http://mvd.gov.by/main.aspx?guid=200595)

Прикрепленные фотографии

Текст петиции

  • Учреждение, в которое направлено обращение: Генеральная прокуратура Республики Беларусь, Министерство внутренних дел
  • Дата и время отправки: 28 мая 2018 , 07:00

Мы, грамадзяне Рэспублікі Беларусь, пабачылі на афіцыйным сайце Міністэрства ўнутраных спраў артыкул ад 20 мая 2018 “Мы за подлинное!” (http://mvd.gov.by/main.aspx?guid=200595), які выклікаў вялікую занепакоенасць па наступных прычынах:

1. Згодна артыкулу 2 Канстытуцыі “Чалавек, яго правы, свабоды і гарантыі іх рэалізацыі з’яўляюцца найвышэйшай каштоўнасцю і мэтай грамадства і дзяржавы”. Нагадваем, што варта прызнаць як дадзенасць наяўнасць людзей ЛГБТК+, якія маюць такі ж раўнапраўны статус, як і іншыя грамадзяне, сэксуальная арыентацыя з’яўляецца ўласнай справай чалавека, за якую не прадугледжана прававой адказнасці. З 17 мая 1990 года гомасэксуальнасць выключана з Міжнароднай класіфікацыі хвароб;
2. Згодна артыкулу 6 Закона Рэспублікі Беларусь “Аб органах унутраных спраў” “Органы ўнутраных спраў абараняюць жыццё, здароўе, гонар, годнасць, правы, свабоды і законныя інтарэсы грамадзян ад злачынных і іншых супрацьпраўных замахаў незалежна ад іх грамадзянства, сацыяльнага, маёмаснага і іншага становішча, расавай і нацыянальнай прыналежнасці, полу, узросту, адукацыі і мовы, адносіны да рэлігіі, палітычных і іншых перакананняў, а таксама ад іншых абставінаў”. Задачы органаў унутраных справаў фармуюцца вакол абароны правоў грамадзян;
3. Органы ўнутраных спраў працуюць за падаткі грамадзян Рэспублікі Беларусь і ў іх інтарэсах. Органам ўнутраных спраў можна толькі тое, што прама прадугледжана заканадаўствам Рэспублікі Беларусь. Нідзе ў заканадаўстве не замацавана права органаў унутраных спраў выступаць з ідэалагічнымі каментарамі і даваць неправавыя адзнакі асобным сітуацыям, замест выконвання сваіх асноўных абавязкаў па папярэджанні і раскрыцці злачынстваў і дзейнасці ў межах сваёй кампетэнцыі;
4. Пры азнаямленні з сайтам Міністэрства ўнутраных спраў можна заўважыць, што замест раўнага падыходу да ўсіх людзей практыкуюцца абразы і распальванне варожасці ў дачыненні да асобных груп - звычайна да ромаў (“цыганаў”), а ў дадзеным выпадку і да ЛГБТК+ людзей. Канкрэтна ў гэтым артыкуле апошняя фраза “Мы – за подлинное, они не пройдут!” можа выступаць як пагроза і заклік за гвалтоўных дзенняў у дачыненні да ЛГБТК+ людзей;
5. Таксама варта нагадаць на гістарычную беларусам уласцівасць талерантнасці і традыцыі роўнасці да ўсіх людзей. Рэспубліка Беларусь - свецкая дзяржава. Да таго ж, 17 мая з’яўляецца Міжнародным днём барацьбы з гамафобіяй, біфобіяй і трансфобіяй.

На падставе вышэйвыкладзенага
ПРОСІМ:

1) праверыць законнасць падобных выказванняў;
2) прыбраць дадзены матэрыял з сайта і ўстрымацца надалей ад каментароў падобнага зместу, дзе адмяўляецца абавязак абараняць жыццё, здароўе, гонар, годнасць, правы, свабоды і законныя інтарэсы грамадзян ад злачынных і іншых супрацьпраўных замахаў незалежна ад іх грамадзянства, сацыяльнага, маёмаснага і іншага становішча, расавай і нацыянальнай прыналежнасці, полу, узросту, адукацыі і мовы, адносіны да рэлігіі, палітычных і іншых перакананняў, а таксама ад іншых абставінаў


Полученный ответ

Рейтинг
ответа
(95 оценок)
1,5

МУС спасылаецца на публічную пазіцыю міністра Шуневіча І.А. Адказу па сутнасці няма. Чакаем рэакцыі Генеральнай пракуратуры.

  • дата получения: 05 июня 2018
  • подписал: Начальнік упраўлення інфармацыі і грамадскіх сувязей МУС Г.Г.Еўчар

Комментарии (145)

Для просмотра комментариев Вы должны войти на сайт или зарегистрироваться