Патрабуем адмовіцца ад планаў будаўніцтва царквы ў новым мікрараёне №21 г. Салігорска.

Па дадзеных Слуцкай епархіі ў горадзе Салігорску на дадзены момант налічваецца цэлых шэсць прыходаў БПЦ МП (разам з Чыжэвіцкай царквой, якая спрадвеку адносіцца да Салігорску). Гэта каля аднаго прыходу на 20 тысячаў насельніцтва, што з'яўляецца найвялікшым паказчыкам ва ўсёй Беларусі.

Мы, жыхары Салігорска i iншыя грамадзяне, выступаем катэгарычна супраць планаў будаўніцтва чарговай царквы ў новым мікрараёне №21. Пра гэтыя планы гарадскімі ўладамі было абвешчана ў матэрыяле, надрукаваным у газеце «Шахцёр», якая зʼяўляецца друкаваным органам Салігорскага райвыканкама.

Мы перакананыя, што ў Салігорску больш чым дастаткова храмаў, таму просім адмовіцца ад пабудовы царквы ў будучым мікрараёне.