Аднаўленне працы Чырвонага Касцёла

З 25 на 26 верасня 2022 года ў касцёле Св.Сымона і Св.Алены ("Чырвоным касцёле", як яго называюць людзі) адбылося ўзгаранне ў памяшканні сакрыстыі (канцэлярыі), якое размяшчаецца ў прыбудове касцёла. Пашкоджана не больш за 20 кв.м. плошчы.

Нягледзечы на невялікую плошчу пашкоджання, увесь касцёл апламбаваны і не даступны для

правядзення набажэнстваў.

Вернікі не маюць магчымасці ўдзельнічаць у рэлігійных

абрадах, спынілася жыццё прыхода.

5 кастрычніка прыход атрымаў ліст ад КУП "Мінская Спадчына" N11/5256, у якім паведамляецца, што да 12 кастрычніка неабходна вызваліць памяшканне касцёла

ад маёмасці.

Усхваляваныя сітуацыяй, якая склалася на сённяшні дзень, а таксама пазбаўленыя месца для правядзення набажэнстваў, мы звяртаемся з просьбай паспрыяць як мага хутчэйшаму вяртанню

вялікай залы касцёла, у якой не было ўзгарання, для аднаўлення малітвы і набажэнстваў, здзяйснення Божых сакрамэнтаў Хросту, шлюбу і іншых.

На перыяд аднаўленчых работ у памяшканні касцёла просім дазволу праводзіць Богаслужэнні ў

светлы час сутак у памяшканні галерэі касцёла, дзе ёсць аўтаномныя выхады на

вуліцу, або на вуліцы - ва ўнутраным дворыку комплекса будынкаў касцёла.