Змены ў заканадаўства Рэспублiкi Беларусь аб зямлi

Мы, грамадзяне Рэспублікі Беларусь, выступаем у падтрымку законапраекту, распрацаванага дэпутатам Ганнай Канапацкай пры падтрымцы Руху "За Свабоду". Сярод асноўных прапановаў, выкладзеных у дакуменце:

- скарачэнне падставаў для канфіскацыі зямлі для дзяржаўных патрэбаў,

- зняццё забаронаў на здзелкі з участкамі,

- адмена абмежаванняў па іпатэцы і закладу права арэнды зямельных участкаў,

- выключэнне платы за заключэнне дамовы арэнды і магчымасці ў аднабаковым парадку зменаў памеру арэнднай платы,

- увядзенне дакладных мэтавых плацяжоў за зямлю,

- зняцце абмежаванняў на змены мэтавага прызначэння зямельных участках і іх падзел,

- судовы парадак прымусовай канфіскацыі.

Мы лічым, што на сёння зямельнае заканадаўства ўтрымлівае шмат невырашаных пытанняў і хібаў, якія гэтыя папраўкі могуць вырашыць. Гэтыя змены адпавядаюць інтарэсам фізічных і юрыдычных асобаў, у тым ліку прадстаўнікоў бізнесу.

На падставе вышэйвыкладзенага просім прыняць меры накiраваныя на ўнясенне вышэйпералiчаных нормаў у заканадаўства аб зямлi i зямельным праве, у прыватнасці ў Кодэкс Рэспублiкi Беларусь аб зямлi.