За адмену ваенна-патрыятычнага і духоўна-патрыятычнага навучання ў школах!

Чуткі аб увядзенні новых дысцыплін навучання хадзілі даўно, аднак мы - грамадзяне Рэспублікі Беларусь не прыдавалі ім вялікага значэння.

Аднак, перад пачаткам навучальнага года па некаторых СМІ Беларусі праляцела інфармацыя, што з пачатку новага навучальнага года будуць уведзеныя новыя прадметы/факультатывы з накірункам ваенна-патрыятычнага і духоўна-патрыятычнага выхавання.

Рэспубліка Беларусь пазіцыянуе сябе як незалежная і мірная дзяржава! Аднак ужо нейкі час мы - грамадзяне са СМІ толькі і чуем пра вайну!

Сыходзячы з факта, што Беларусь пазіцыянуе сябе як мірная дзяржава, мы, грамадзяне Рэспублікі Беларусь, дадзеным зваротм выступаем супраць увядзення ў школах ваенна-патрыятычнага навучання!

Таксама Беларусь пазіцыянуе сябе як шматканфесійная дзяржава і ўводзіць такі прадмет як духоўна-патрыятычнае навучанне пад эгідай Беларускай Праваслаўнай Царквы, на наш погляд, няправільна! Кожны мае права самастойна абраць веравызначэнне і павінен рэалізоўваць яго без уздзеяння звонку!

Таксама ўвядзенне гэтых прадметаў/факультатываў у школьную праграму адбывалася без публічных абмеркаванняў і апытанняў нас -грамадзян!

Згодна з арт.2 Кодэкса аб адукацыі дзяржаўная палітыка ў сферы адукацыі грунтуецца на прынцыпах прыярытэту агульначалавечых каштоўнасцяў, правоў чалавека, гуманістычнага і свецкага характару адукацыі.

У адпаведнасці з ч.7 арт.158 Кодэкса аб адукацыі факультатыўныя заняткі могуць праводзіцца толькі з улікам меркавання законных прадстаўнікоў вучняў, зыходзячы са схільнасцей, жаданняў і стану здароўя апошніх, у межах колькасці вучэбных гадзін на правядзенне факультатыўных заняткаў.

У сувязі з вышэйадзначанымі момантамі, мы - грамадзяне Рэспублікі Беларусь патрабуем:

1. адмяніць рашэнне аб увядзенні новых прадметаў/факультатываў па ваенна-патрыятычнаму і духоўна-патрыятычнаму выхаванню;

2. пры сапраўды існуючай неабходнасці ўвядзення новых прадметаў/факультатываў па ваенна-патрыятычнаму і духоўна-патрыятычнаму выхаванню, увесці дадзеныя дысыплінцы ў школьную праграму пасля правядзення публічных слуханняў і публічных апытанняў, вынікам якіх стане пераважная большасць з апытаных, выступаючых за ўвядзенне новых прадметаў/факультатываў.