Абвяшчаць у Гродне прыпынкі на беларускай і англійскай мовах, прадубляваць шыльды з раскладам руха беларускай лацінкай

Прапануем у горадзе Гродна аб'яўляць назвы прыпынкаў і паведамленні не толькі на беларускай, але і на англійскай мове.

Таксама прапануем прадубляваць шыльды з раскладам руха і назвамі прыпынкаў у цэнтры горада беларускай лацінкай у адпаведнасці з тымі патрабаваннямі, якія вылучае тапанімічная камісія наконт гэтага пытання.

Ініцыятыва абумоўлена тым, што з 26 кастрычніка 2016 года можна наведаць без візы раён Аўгустоўскага канала, ў тым ліку і Гродна, згодна з Указам Прэзідэнта Беларусі пра бязвізавы парадак. Прапанова дапаможа замежным турыстам лягчэй карыстацца грамадскім транспартам у Гродне, вырашаць лагістычныя пытанні, асабліва тым, хто не ведае кірыліцу.