Спыніць усе афіцыйныя зносіны з непрызнанымі Беларуссю дзяржавамі

Мы, ніжэйпадпісаныя грамадзяне Рэспублікі Беларусь, дадзеным зваротам выказваем заклапочанасць і незадаволенасць сітуацыяй, якая склалася з наведваннем нашай Рэспублікі прадстаўнікамі афіцыйна непрызнанай Рэспублікай Беларусь дзяржавы Луганскай Народнай Рэспублікі (ЛНР).

Мы лічым, што Рэспубліка Беларусь з’яўляецца дэмакратычнай еўрапейскай дзяржавай і афіцыйная прысутнасць прадстаўнікоў любой непрызнанай дзяржавы, у тым ліку і ЛНР, на тэрыторыіі Рэспублікі Беларусь недапушчальна.

Згодна з п.5 Палажэння аб Міністэрстве замежных спраў асноўнымі задачамі МЗС з'яўляюцца, у тым ліку, рэалізацыя адзінай знешняй палітыкі Рэспублікі Беларусь і забеспячэнне правоў і інтарэсаў Рэспублікі Беларусь у міжнародных адносінах.

На падставе выкладзенага мы патрабуем спыніць усе афіцыйныя зносіны з непрызнанымі дзяржавамі і ў наступным не ўступаць у афіцыйныя зносіны з непрызнананымі дзяржавамі.